| | رباعيات صلاح جاهين |  |
|
|
| كاتب الموضوع | رسالة |
|---|
Nour
Admin
عدد الرسائل : 548
العمر : 35
العمل/الترفيه : طالبة
المزاج : متقلب على حسب الاحوال الجوية
اعلام الدول : 
مزاج الاعضاء : 
المهنة : 
الهوايات : 
السٌّمعَة : 0
تاريخ التسجيل : 05/02/2009
 | |
 | |
Nour
Admin
عدد الرسائل : 548
العمر : 35
العمل/الترفيه : طالبة
المزاج : متقلب على حسب الاحوال الجوية
اعلام الدول :
مزاج الاعضاء :
المهنة :
الهوايات :
السٌّمعَة : 0
تاريخ التسجيل : 05/02/2009
|  موضوع: رد: رباعيات صلاح جاهين  الخميس فبراير 12, 2009 9:54 am | |
| انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!
ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
عجبي !!!!
يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!
أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!
إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!
إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!
يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!
في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!
الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!! | |
|
| | |
Nour
Admin
عدد الرسائل : 548
العمر : 35
العمل/الترفيه : طالبة
المزاج : متقلب على حسب الاحوال الجوية
اعلام الدول :
مزاج الاعضاء :
المهنة :
الهوايات :
السٌّمعَة : 0
تاريخ التسجيل : 05/02/2009
| | موضوع: رد: رباعيات صلاح جاهين الخميس فبراير 12, 2009 9:55 am | |
| علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!
- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!
السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
.. و العبد للشهوات .. منين هو حر؟
عجبي !!!وقفت بين شطين علي قنطـرة
الكدب فين و الصدق فيـن يا تري
محتار ح اموت .. الحوت خرج لي وقالي
هو الكلام يتقــــاس بالمسـطرة
عجبي !!!
سرداب في مستشفي الولاده طويل
صرخات عذاب ورا كل باب وعويل
.. وفي الطـــريق متزوقين البنات
متزوقــــين للحب و المواويل
عجبي !!
الدنيا أوده كــبيره للانتظار
فيها ابن أدم زيه زي الحـمار
الهم واحد .. و الملل مشـــترك
و مفيش حمار بيحاول الانتحار
عجبي !! | |
|
| | |
Nour
Admin
عدد الرسائل : 548
العمر : 35
العمل/الترفيه : طالبة
المزاج : متقلب على حسب الاحوال الجوية
اعلام الدول :
مزاج الاعضاء :
المهنة :
الهوايات :
السٌّمعَة : 0
تاريخ التسجيل : 05/02/2009
| | موضوع: رد: رباعيات صلاح جاهين الخميس فبراير 12, 2009 9:56 am | |
|
أيوب رماه البين بكل العـــلل
سبع سنين مرضان وعنده شلل
الصـبر طيب .. صبر أيوب شفاه
بس الأكـــاده مات بفعل الملل
عجبي !!!
نسمة ربيع لكن بتكوي الوشــوش
طيور جميلة بس من غير عشـــوش
قلوب بتخفق إنما وحــــدها
هي الحياه كده .. كلها في الفاشوش
عجبي !!!!
يا طير يا عالي في الســــما طظ فيك
ما تفتكرشي ربنا مصطـــفيك
برضـك بتاكل دود و للطين تعًًًًودً
تمــص فيه يا حلو .. و يمص فيك
عجبي !!!
كروان جريح مضروب شعاع م القمر
سقط من السموات فؤاده انكســــر
جريت عليه قطه علشان تبلعـــــه
أتاريه خيال شعراء و مالهـــوش أثر
عجبي !!!
ياللي نصحت الناس بشــرب النبيت
مع بنت حلوه .. وعود , وضحك , وحديت
مش كنت تنصحهم منين يكســـبوا
تمن ده كله ؟ ... و الا يمكن نســــيت
عجبي !!
ما حد في الدنيا واخد جزاتــه
و لا حد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!
رقاصه خرسا و رقصه من غير نغــم
دنيا . . يا مين يصالحها قبل النــدم
ساعتين تهز بوجههــــا يعنـي
يترجرجوا نهديها يعني نعــم
عجبي !!!
إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي !!!!
| |
|
| | |
Nour
Admin
عدد الرسائل : 548
العمر : 35
العمل/الترفيه : طالبة
المزاج : متقلب على حسب الاحوال الجوية
اعلام الدول :
مزاج الاعضاء :
المهنة :
الهوايات :
السٌّمعَة : 0
تاريخ التسجيل : 05/02/2009
| | موضوع: رد: رباعيات صلاح جاهين الخميس فبراير 12, 2009 10:01 am | |
| من بين شقوق الشيش و شقشقت لك
مع شهقة العصافير و زقزقـــت لك
نهار جديد انا . . قوم نشوف نعــمليه
انا قلت يا ح تقتلني .. يا ح اقـــتلك
عجبي !!!
جالك أوان ووقفت موقف وجـود
يا تجود بده يا قلبي يا بده تجــود
ما حد يقدر يبقي علي كل شـــئ
مع إن – عجبي – كل شئ موجود
عجبي !!!
جالك اوان وعرفت مشي الجنايــز
كيف شفتها يا عبد رب اللذايــذ
قال : شفت شيل بالحيل فقير أو امير
كما شالوا في الخمامير فواضي القزايز
عجبي !!
أنا كنت شئ و صبحت شئ ثم شــئ
شوف ربنا .. قادرعلي كل شـــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!
يا مشرط الجراح أمانة علـــيك
و انت ف حشايا تبص من حواليـك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!!
كيف شفت قلبي و النبي يا طبيــب
همد و مات و الا سامع له دبيـــب
قاللي لقيته مختنق بالدمــوع
و ما لوش دوا غير لمسه من إيد حبيب
عجبي !!!!
تسلم يا غصن الخوخ يا عود الحطـــب
بييجي الربيع .. تطلـع زهورك عجب
و انا ليه بيمضـي ربيع وييجي ربيع
و لسه برضك قلـــبي حتة خشب
عجبي !!! | |
|
| | |
Nour
Admin
عدد الرسائل : 548
العمر : 35
العمل/الترفيه : طالبة
المزاج : متقلب على حسب الاحوال الجوية
اعلام الدول :
مزاج الاعضاء :
المهنة :
الهوايات :
السٌّمعَة : 0
تاريخ التسجيل : 05/02/2009
| | موضوع: رد: رباعيات صلاح جاهين الخميس فبراير 12, 2009 10:02 am | |
| قلبي عليل يا ناس و في الكاس دواه
مديت له إيدي شربت م اللي حــواه
جنبي الشمال خف .. اليمين اتـوجع
و إيه يداوي الكبد م اللي كــواه
عجبي!!
.. دي مزكرات و كتبتها من ســنين
في نوتة زرقا لون بحور الحنيــــن
عترت فيها .. رميتها في المهمــلات
وقلت صحيح أما صحيح كلام مخبولين
عجبي !!
دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمـــوت
عجبي !!
- الدنيا من غير الربيع مــــــــيته
ورقة شجر ضعفـــانه و مـــفــتــته
- لا يا جدع غلطان تأمل وشوف
زهر الشتا طالع فــي عز الشـــتا
عجبي !!!
ياللي انت بيتك قش مفروش بريش
تقوي عليه الريح .. يصبح ما فيش
عجبي عليك حواليك مخالب كـــــبار
و ما لكش غير منقار و قادر تعيش
عجبي !!!!
سمعت نقطة ميه جوه المحيــط
بتقول لنقطه ما تنزليش في الغويط
أخاف عليكي م الغرق .. قلـت أنا
ده اللي يخاف م الوعد يبقي عبيط
عجبي !!!
بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!! | |
|
| | |
Nour
Admin
عدد الرسائل : 548
العمر : 35
العمل/الترفيه : طالبة
المزاج : متقلب على حسب الاحوال الجوية
اعلام الدول :
مزاج الاعضاء :
المهنة :
الهوايات :
السٌّمعَة : 0
تاريخ التسجيل : 05/02/2009
| | موضوع: رد: رباعيات صلاح جاهين الخميس فبراير 12, 2009 10:02 am | |
| فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين يا جدع
قال من بعيد و لسه رايح بعيد
عجبي !!
كان فيه قمر كأنه فرخ الحمام
علي صغره دق شعاع شق الغمام
أنا كنت حاضر قلت له ينصرك
إشحال لما حتبقي بدر التمام
عجبي !!
النهد زي الفهد نط اندلع
قلبي انهبش بين الضلوع و انخلع
ياللي نهيت البنت عن فعلها
قول للطبيعة كمان تبطل دلع
عجبي !!!
صوتك يا بنت الإيه كأنه بدن
يرقص يزيح الهم يمحي الشجن
يا حلوتي و بدنك كأنه كلام
كلام فلاسفه سكروا نسيوا الزمن
عجبي !!!!
كرباج سعاده وقلبي منه اجلد
رمح كأنه حصان و لف البلد
و رجع لي نصل الليل و سألني .. ليه
خجلان تقول انك سعيد يا ولد
عجبي !!!مزيكة هادية الكون فيها انغــمر
وصيف و ليل و عقد فل و سمر
يا هلتري الناس كلهم مبسوطين
و يا هلتري شايفين جمال القمر ؟
عجبي!!
إنشد يا قلبي غنوتك للجمـــال
و ارقص في صدري من اليمين للشمال
ما هوش بعيد تفضل لبكره سعيـــد
ده كل يوم فيه الف الف احتمــال
عجبي !!
آه لو انا و محبوب جزنا الفضــا
في سفينة وحدينا .. واشيا رضـا
ساعة صفا تعجبنا نرجع لهــا
و الهم قبل ما ييجي .. يبقي مضـى
عجبي !!
أنا إله الوجد رب الهيام
أضرب بسهم الوهم وهم الغــرام
و هم الغرام من كتر ما هو لذيــذ
رشقت انا ف صدري جميع السهام
عجبي
!!! | |
|
| | |
Nour
Admin
عدد الرسائل : 548
العمر : 35
العمل/الترفيه : طالبة
المزاج : متقلب على حسب الاحوال الجوية
اعلام الدول :
مزاج الاعضاء :
المهنة :
الهوايات :
السٌّمعَة : 0
تاريخ التسجيل : 05/02/2009
| | موضوع: رد: رباعيات صلاح جاهين الخميس فبراير 12, 2009 10:03 am | |
| حدوته عن جعران و عن خنفســه
اتقابلوا حوا بعض ساعة مســا
و لا قال لهم حد اختشوا عيب حـرام
و لا حد قال دي علاقة متدنســة
عجبي !!!!
ياللي عرفت الحب يوم و انطــوي
حسك تقال مشتاق لنبع الهـــوي
حسك تقول مشتاق لنبع الغـــرام
ده الحب .. مين داق منه قطره...ارتوي
عجبي !!!
زحام و أبواق سيارات مزعجــة
للي يطول له رصيف.. يبقي نجـا
لو كنت جنبي يا حبيبي أنــا
مش كنت أشوف إن الحياة مبهجة
عجبي!!
إيديا في جيوبي وقلبي طــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقــترب
عجبي !!
يا ميت ندامه ع القلوب الخـلا
لا محبة فيها و لا كراهـه ولا
حتي يا قلبي الحزن ما عادش فيـك
معلهش .. لك يوم برضه راح تتملا
عجبي !!
مرحب ربيع مرحب ربيع مرحبـــه
يا طفل يا للي ف دمي ناغا وحبــــا
علشان عيونك يا صغنن هويـــت
حتي ديدان الأرض و الأغربــة
عجبي !!!
فتحت شباكي لشمس الصبــاح
ما دخلش منه غيــر عويل الريـاح
و فتحت قلبي عشان ابوح بالألــم
ما خرجش منه غير محبه و سمـاح
عجبي !!!!
غمست سنك في السواد يا قلـــم
عشان ما تكتب شعر يقطر ألــــــم
مالك جرالك إيه يا مجنون ... و ليــه
رسمت ورده وبيت و قلب و علـــم
عجبي !!!
انا الذي عمري اشتياق في اشتيـــاق
و قطر داخل في محطة الـــفراق
قصدت نبع السم وشربت ســــم
من كتر شوقي وعشمي في الترياق
عجبي !!!
انا الذي عشت الزمن مضيعـــه
بروح حزينة معفنة مضعضعــه
زرعتشجرة سنط لجل انجـرح
لقتها شعر البنت و مفرعـــه
عجبي !! | |
|
| | |
Nour
Admin
عدد الرسائل : 548
العمر : 35
العمل/الترفيه : طالبة
المزاج : متقلب على حسب الاحوال الجوية
اعلام الدول :
مزاج الاعضاء :
المهنة :
الهوايات :
السٌّمعَة : 0
تاريخ التسجيل : 05/02/2009
| | موضوع: رد: رباعيات صلاح جاهين الخميس فبراير 12, 2009 10:04 am | |
| لو فيه سلام في الأرض وطمان و أمن
لو كان مفيش و لا فقر و لا خوف جبن
لو يملك الانسان مصير كل شــئ
انا كنت اجيب للدنيا ميت ألف ابــــن
عجبي !!
العشب طاطا للنسايم و نـــــخ
أخضر طري مالهش في الحســن أخ
عصفور عبيط انا .. غاوي بهجه و غنا
ح انزلهنا.. و انشا لله يهبرني فــخ
عجبي !!!
أوصيك يابني بالقمر و الزهـــور
أوصيك بليل القاهرة المسحــــور
و إن جيت في بالك .. إشتري عقد فل
لأي سمرا.. وقبري إوعك تـــزور
عجبي !!!!
غمض عينيك و ارقص بخفة و دلع
الدنيا هي الشابة و انت الــجدع
تشوف رشاقة خطوتك تعبــدك
لكن انت لو بصيت لرجليك ....تـقع
عجبي !!!
حاسب من الاحزان و حاســـب لها
حاسب علي رقابيك من حبلـــها
راح تنتهي و لابد راح تنتهـــي
مش انتهت أحزان من قبلهــا؟
عجبي !!!
يأسك و صبرك بين إيديك و انت حر
تيأس ما تيأس الحياه راح تــــمر
أنا دقت مندا ومندا عجبي لقيــت
الصبر مر و برضك اليـأس مــر
عجبي !!
ولدي نصحتك لما صوتي اتنبـــح
ما تخفش من جني و لا من شبـــح
و ان هب فيك عفريت قتيل إسألـــه
ما دافعش ليه عن نفسه يوم ما اندبح
عجبي !!
ولدي إليك بدل البالون ميت بالــون
انفخ وطرقع فيه علي كل لـــون
عساك تشوف بعينك مصيرالرجـال
المنفوخين في السترة و البنطلــون
عجبي !!!
خوض معركتها زي جدك ما خاض
صالب و قالب شفتك بامتـــعاض
هي كده...ما تنولش منها الأمــل
غير بعض صد ورد ووجاع مخاض
عجبي !!!! | |
|
| | |
semsema
النجم ده وصل للعالمية
عدد الرسائل : 737
العمر : 33
العمل/الترفيه : اكبرعالمه اثار ان شاء الله
المزاج : Bad Mood
اعلام الدول :
مزاج الاعضاء : 
المهنة :
الهوايات : 
الاوسمة : 
السٌّمعَة : 0
تاريخ التسجيل : 07/02/2009
| | موضوع: رد: رباعيات صلاح جاهين الجمعة مارس 20, 2009 12:03 am | |
| بجد والله الراجل ده مفروض يتعملو تمثال ربنا يرحمه يارب اعظم كاتب بجد كلامه جميبل جدا ويدخل قلب اى انسان لانه بيتكلم عن واقع الحياه
تسلم ايدك يا نور مشكورة على المجهود الرائع ده | |
|
| | |
| | رباعيات صلاح جاهين | |
|
