لو كنت رئيس...مثلا مثلا.

اخوانى الاعضاء والزوار.....بعد السلام والتحيه.
مش عارف انا هكتب لكم ايه بالضبط يعنى بس انا جاى لكم فى الكلام اهو....
مثلا لو انا كنت رئيس دوله من الدول العربيه.....وشفت اللى حصل فى غزه مثلا.......
ايه هتكون رده فعلى على كده....او على اللى كان بيحصل من اسرائيل
اقولكم .....
طالما الشعوب عاوزه تحارب اسرائيل ....كنت اعلن الحرب وزى ما تيجى تيجى ....وتكون اولا واخيرا فى سبيل الله
او انى كنت اهدد اسرائيل ولو حتى تهديد كاذب انى كنت هرد عليها لو ما رفعتش ايدها عن الناس الضعيفه المظلومه فى قطاع غزه
وهنا انا بحب اعقب على نقطه معينه
وهى ان الازمه لما بدات وطولت....كانت هناك ناس رايحه جايه....وطيارات رايحه جايه....وضيوف داخلين وضيوف خارجين
وناس سافروا للامم المتحده
وراحووووا ورجعووووا
ولا اكنهم عملووووا حاجه خالص
لانهم اصلا ما عندهمش صلاحيات اصلا فى النظم الدوليه العالميه
وانتوا عارفين اصلا ايه يعنى سياسه؟؟؟؟؟؟؟؟؟؟؟؟؟؟؟؟؟؟
اقولكم يعنى ايه...
السياسه ما لهاش فى وجهه نظرى الا تعريف واحد بس
هو انها من اختراع ناس ما كانوش عارفين ياخدوا ولا حق ولا باطل من ناس تانيين
ولما ما قدروش عليهم
اخترعوا السياسه
وعرفوا يدخلوا وياخدوا ويعملوا اللى هما عاوزينه
ولما احنا اتنورنا واتعلمنا....فكرنا نعمل زيهم وبنفس سياستهم
ولكن يال الاسف
بندخل لهم صح وكل حاجه وبنلبس بدل وكرفتات وبنمشى فى مواكب وبناكل بالشوكه والسكينه....واحيانا....بنبوس الايادى على الطريقه الاوربيه ومن باب الاتيكيت....وبنتكلم لغات كتيره كتيره.....
بس للاسف لا هناخد حاجه ولا لينا حق اصلا انو احنا نطالب بشيىء
وهما كمان.....عشان تكونوا عارفين......كل القوانين بتاعتهم احنا مالناش فيها حق ان احنا نطالب منهم باى شيىء
وعشان تكونوا عارفين كمان ....هما بيبصوا لينا بصه دونيه.....ان احنا ناقصين او اقل خلقه منهم....وانا اسف طبعا على الكلام الجارح ده.....بس هى دى الظاهر الحقيقه....المره.
وقبل ما انهى الموضوع اقولكم انا كنت عملت ايه لو كنت رئيس دوله عربيه...... **كنت هنسحب من مجلس الامن الدولى.....لانه مش مدينى حق ولا باطل.
**كنت هنسحب من جامعه الدول العربيه....وكنت هقفل المقر بتاعها لو كان فى بلدى
**كنت قطعت كل العلاقات مع اسرائيل....مياه وكهرباء وغاز....مثلا مثلا يعنى.
**كل واحد جاى لى يزورنى لبحث القضايا بتاعت المنطقه...وقضيه الشرق الاوسط....يلف ويرجع تانى وما استقبلوش.
ولو ما عجبش الناس الكلام اللى انا بقوله ده فى الاخر.....مين اللى خلاهم يعملونى رئيس......
واسف والنبى يا جماعه على الكلام اللى انا كاتبه ده كله
انا لقيت مكان مكتوب عليه فضفضه.....دخلت وفضفضت......غلطان انا؟؟؟؟؟؟؟

لا يا سيدى مش غلطان
موضوعك جميل اوى وفى نفس الوقت قاسى عشان بيواجهنا بحقيقتنا اللى مش قادرين نواجهها

شكرا ليك على مواضيعك المتميزة واسلوبك الرائع فى عرض الموضوع

» اروع واشهر اربعون مثلا فى العالم
» رئيس انت ام مرءوس اختبار نفسى